Segundo Carlos de Azevedo “a fundación da Torre de Silva remonta aos primeiros tempos da nacionalidade, tendo sido solar dos Silvas, ricos-homens vindos da fronteira da Galiza e que alí se estableceran, segundo parece, cerca do ano 1040.” 30
En pleno espazo agrario a Torre da Silva emerxe da paisaxe circundante como memoria do pazo señorial que alí existiu. A Casa -Solar dos Silvas, ou Torre da Silva, xurdiu como edificio pertenza de familias nobres da rexión, non só militar senón tamén para vivenda, con finca de produción agrícola asociada. De propiedade privada e con residencia asociada, a Torre da Silva, aínda hoxe, mantén espazos agrícolas onde se cultiva esencialmente viña.
A partir da torre, e unha vez que en fronte apenas se encontran zonas de altitude máis baixa, será posible a obtención de boas vistas panorámicas sobre o val cultivado.
A torre presenta unha planta cadrada, e aínda que modificada ao longo dos séculos, preserva un carácter claramente medieval. Ao alto, as goteiras de canón son xa quiñentistas e, un pouco máis arriba, o edificio está coroado por unha liña de ameas máis tardía, como se desprende do espazamento esaxerado entre merlóns e ata das dimensións destes. De moito interese a antiga escaleira exterior, apoiada nun dos lados e cuxo parapeto revela unha curiosa técnica de arte e encaixe das pedras. 31
A autenticidade e integridade do entorno poderán ser discutibles, xa que a apropiación do espazo ao longo de diversas xeracións terá retirado ao lugar o seu carácter de pazo señorial fortificado e atribuído un uso máis doméstico e apropiado aos tempos modernos.
30 in Azevedo; 31 in Azevedo